دنيا سمير غانم : حلمي اتحقق في مسرحية آنستونا وبحس إن بابا وماما واقفين جنبى وفرحانين بيا

نشرت دنيا سمير غانم عبر إنستجرام صورة من عرض مسرحية آنستونا، بجانب صورة لها مع والديها الراحلين دلال عبدالعزيز وسمير غانم من مسرحية فارس وبني خيبان.

وعلقت دنيا على الصورة قائلة : الصورة دي من مسرحية فارس وبني خيبان وكان عندي وقتها سنة واحدة بس ومعرفش ليه كنت بحب أطلع جنب بابي ومامي علي المسرح في وقت تحية الجمهور بس لما كبرت عرفت.

وتابعت : الصورة التانية من تحيتي للجمهور العظيم أهلي في مسرحية آنستونا اللي بتتعرض دلوقتي وأنا في وسط كل النجوم وصناع العمل اللي متشرفة بوجودي معاهم .. الصورة دي فيها حلمي بيتحقق واللحظة دي هي أكتر لحظة بحس فيها كل يوم إن بابي ومامي واقفين جنبي وبيبصولي بحب وفرحانين بيا.

وأضافت : بعمل أقصي ما عندي من مجهود عشان بس الناس تسقفلي وأحس بيهم حواليا بابي ومامي بحبكوا أوي ربنا يرحمكم يا رب.

وتعتبر هذه التجربة الأولي لـ دنيا علي خشبة المسرح، ويشاركها في بطولتها : بيومي فؤاد، سامي مغاوي، كريم عفيفي، عمرو عبدالعزيز، بسنت صيام، مريم السكري، من تأليف كريم سامي وأحمد عبدالوهاب، وإخراج خالد جلال وإنتاج محمد أحمد السبكي.

وتجسد دنيا خلال المسرحية شخصية مطربة من حارة شعبية تحلم بالشهرة واحتراف الغناء، ويلعب سامي مغاوري دور والدها، ويجسد بيومي فؤاد دور مايسترو يكتشف موهبتها ويمهد طريق النجومية لها، كما تقدم دنيا خلال العرض 5 استعراضات بجانب عدد كبير من الأغاني، من كلمات أيمن بهجت قمر وألحان عمرو مصطفى وتوزيع نابلسى، كانت تحمل فى البداية اسم روحي أنا ليتم تغيير اسمها إلي أنستونا على اسم واحدة من أغنيات الراحل سمير غانم.  

يعرض الآن لـ دنيا فيلم تسليم أهالي والذي حقق نجاحا كبيرا، ويشاركها في البطولة هشام ماجد، الراحلة دلال عبدالعزيز، بيومي فؤاد، لوسي، عبدالله مشرف، محمد أوتاكا، وجيلان علاء، وعدد من ضيوف الشرف : شيكو، ومحمد ممدوح، وأحمد فتحي، والعمل من تأليف شريف نجيب، إخراج خالد الحلفاوي.