وفاء عامر : غادة عبدالرازق مش صاحبتى ومش هتلزق فيها وسمية الخشاب أساءت لي واعتذرت

تحدثت وفاء عامر عن علاقتها بـ غادة عبدالرازق وسمية الخشاب، وذلك خلال لقائها ببرنامج البخت الذي يعرض على قناة الشمس، قائلة: غادة مش صاحبتي، وأنا سبق وقولت دا في المركز الكاثوليكي.

وتابعت: الصداقة دي معناها كبير أوي، ولما أقول أنتي صاحبتي يعني لازم نكون بناكل ونشرب وأسرارنا مع بعض، وأنا مروحتش أنام تحت العمارة وقولتلها والنبي الله يخليكي صاحبيني، ومش بتلزق فيها.

وعن علاقتها بسمية الخشاب قالت، :سمية مش صاحبتي، وسبق وأساءت لى واعتذرت، وأنا عزراها، سمية اشتغلت في رواية أنا كنت فيها بطلة، وكنا بنتقابل، وأنا مش فاضية وبشتغل وبعمل أدوار حلوة بس، وصديقاتي المقربات في الوسط الفني هم أيتن عامر، وريم البارودي.

ووجهت وفاء رسالة لمنتقديها : أنا بقولهم حبوا شغلكوا أوي وسيبوا وفاء عامر في حالها الله يخليكوا، لأني مش عايزة أرد على حد.

ومن ناحية أخرى، شاركت وفاء عامر في الموسم الرمضاني الماضي 2022، بثلاث مسلسلات وهم راجعين يا هوى، بطولة: خالد النبوي، نور اللبنانية، هنا شيحة، أنوشكا، وفاء عامر، أحمد داش، إسلام إبراهيم، أحمد خالد صالح، كريم قاسم، سلمى أبو ضيف، مصطفى درويش، ونور خالد النبوي، وعدد آخر من النجوم، معالجة وسيناريو وحوار محمد سليمان عبدالمالك وإخراج محمد سلامة، وإنتاج تامر مرتضى.

كما شاركت في مسلسل جزيرة غمام مع طارق لطفي وفتحي عبدالوهاب ومي عز الدين، بالإضافة لمسلسل بيت الشدة وكان من بطولتها.