مدحت العدل : عاوز أعمل فيلم عن محمود الخطيب وحسام غالي هو اللى يجسد شخصيته

كشف مدحت العدل عن كواليس طلب محمود الخطيب تقديم فيلم عن حياته ويقوم ببطولته ميدو، وهو ما كشفه خلال حواره في برنامج الستات مايعرفوش يكدبوا مع الإعلاميتين سهير جودة، ومفيدة شيخة.

وتواصل خبر أبيض مع دكتور مدحت العدل لمعرفة عن كواليس الفكرة وقال في تصريح خاص : الطلب ده كان زمان، ومارفضتش الفكرة أبدًا، أنا قولت إني برفض أكتب فيلم عن الأهلي في مئوية النادي، ولكن فيلم عن مسيرة الخطيب فأرحب جدًا بالفكرة.

وأضاف : الخطيب نجم حتي يومنا هذا، وهذه رحلة صعود و رسالة للشباب إنه يستطيع أن يكون الخطيب يومًا ما، وفكرة راقية جدًا شأنها كشأن النمر الأسود وهمام في امستردام وغيره.

وعن تجسيد ميدو لدور الخطيب في الفيلم قال : ميدو وقتها كان محترف ومكنتش أعرف إنه هيعتزل بدري، فقولت إنه لما ييجي يعتزل هيبقي عايز يعمل فيلم عن مسيرته، ومش هينفع يطلع في الاتنين.

وعمن يرشحه لتقديم العمل فقال : والله الموضوع صعب لأن مفيش حد دلوقتي في نجومية الخطيب ولا قيمته، بس ممكن أقول إنه كان ينفع حسام غالي.

وعند سؤاله علي كتابة فيلم عن مسيرة ميدو قال : لأ .. أنا بحب ميدو جدًا وهو لاعب حريف بس لم يكمل نجوميته علشان أعمله فيلم.