بالفيديو .. ملك أحمد زاهر : بابا تعب فى فيلم فارس وصلاح عبدالله وقف جنبي وساعدنى واتبهدلت فى الأكشن

يشارك أحمد زاهر في الموسم السينمائي الحالي بفيلم فارس، وحقق العمل ردود فعل كبيرة خاصة أنه يتضمن العديد من مشاهد الأكشن، كما يشهد العمل مشاركة ابنته ملك، التي تقدم في الأحداث دور شقيقته.

وتحدثت ملك أحمد زاهر عن مشاركتها في الفيلم، وقالت في تصريح خاص لكاميرا خبر أبيض : مبسوطة قوي بالفيلم لأني كنت خايفة، وكمان شخصية سماح مختلفة عن أي دور عملته قبل كده، فيها كوميديا ودي مش طريقتي وعمري ما جربت ولا كنت أصدق إني ممكن أعمل ده، وتابعت : سماح في السيناريو كانت شخصية عادية، لكن لما قعدت أنا وماما وبابا قولتلهم عايزة أعملها حاجة مختلفة، ومكنتش عايزة أقدم شخصية مكررة.

وأضافت : بابا عمره ما عمل حاجة وماجتهدش ولا تعب فيها، ودايمًا مختلف وعمري ما شوفت له دور شبه دور، وعن الفنان صلاح عبدالله قالت : كان يوجهني دائمًا أثناء التصوير، وكان ينصحني ويقول لي كيف أقدم المشهد وكان دايمًا يطلع أحسن، وهو ممثل عبقري وأنا استمتعت بالشغل معاه.

وعن تقديمها مشاهد أكشن قالت : فؤجئت بده أثناء التصوير، وكنت فاكرة إن بابا بس اللي هيعمل أكشن، وقولتلهم هاتوا دوبلير مكاني، لكن عملت المشاهد دي وبابا اتصاب كتير وأنا كمان اتصبت في إيدي.

فيلم فارس من بطولة أحمد زاهر، حسين فهمي، إيمان العاصي، ملك أحمد زاهر، باميلا الكيك، أحمد صفوت، والعديد من ضيوف الشرف، والعمل من تأليف حسام موسى وإخراج رؤوف عبدالعزيز.

شاهد الفيديو التالي ...