بالفيديو .. محمد الشرنوبي : شريف سلامة ممثل جامد ونيللى كريم طلعت الشيخ اللى جوايا

شارك محمد الشرنوبي في سباق دراما رمضان 2022، بمسلسل فاتن أمل حربي، من تأليف إبراهيم عيسى وإخراج ماندو العدل، وحقق من خلاله نجاح كبير.

كاميرا خبر أبيض التقت به، وقال في تصريح خاص : التعاون مع نيللي كريم ممتع، وهي ممثلة محترفة جدًا، ومش عندها أي تفاصيل تضايق الممثلين اللي حواليها، وكنا دايما بنتناقش ونساعد بعض طول الوقت، علشان المشاهد اللي مابيننا تطلع كويسة، وهي طلعت الشيخ اللي جوايا.

وتابع : الشيخ يحيى كان معجب بـ فاتن، والناس اعترضت على إن شيخ ممكن يحب، لكن هو إنسان من حقه يحب، وأيضًا شريف سلامة ممثل جامد جدًا، وخلانا نصدقة وكرهنا شخصيته واللي كان بيعمله وده دليل على نجاحه.

وجسد محمد الشرنوبي دور الشيخ يحيى في مسلسل فاتن أمل حربي، مع نيللي كريم وكانت تلجأ إليه للحصول على فتوى، وجمعته العديد من المشاهد بها بعد طلاقها من زوجها شريف سلامة.

مسلسل فاتن أمل حربي من بطولة نيللي كريم، شريف سلامة، محمد الشرنوبي، هالة صدقي، محمد ثروت، خالد سرحان، فادية عبدالغني وعدد أخر من الفنانين، ومن تأليف إبراهيم عيسى وإخراج ماندو العدل.

شاهد الفيديو التالي …