بالفيديو : كريم قاسم بطل يوتيرن يكشف السبب الحقيقي وراء اعتزال توفيق عبدالحميد

حقق كريم قاسم ردود أفعال إيجابية كثيرة بعد مشاركته في دراما رمضان هذا العام من خلال مسلسل يوتيرن، بطولة ريهام حجاج، ومن تأليف أيمن سلامة وإخراج سامح عبدالعزيز.

والتقت كاميرا خبر أبيض مع كريم قاسم، وعلق على قرار اعتزال توفيق عبدالحميد قائلًا : كلنا كنا بنصور في المسلسل وأستاذ توفيق مكانش موجود اليوم ده، ولما سمعنا الخبر اتخضينا واتضايقنا جدًا عشان كنا مبسوطين إنه رجع الساحة من تاني وأنا كان ليا الشرف إني مثلت معاه في العمل ده.

وتابع : إحنا عارفين من البداية إن ساعات التصوير بالنسبة له كانت متعبة، وهو صحيًا وجسديًا كان صعب عليه ضغط التصوير ده، خاصة إنها بتهلك أي حد حتي احنا الشباب بنبقي عايزين إعادة تأهيل بعد ما بنخلص تصوير وكنت متوقع إن القرار ده هياخده.

وأضاف : أنا اتخضيت من رد الفعل الهستيري والهجوم اللي حصل بشكل فيه افترا على صناع المسلسل بعد قراره، وده أنا استغربته لإني لقيت إن الأخبار السبايسي هي اللي بتاكل مع الناس لكن الحقيقة مش مهمة.

شاهد الفيديو التالي ...