راغب علامة : معرفش ويجز وبحب أغنية الغزالة رايقة بتاعة فيلم من أجل زيكو

حل راغب علامة أمس الأربعاء، ضيفًا على محطة إنرجي NRJ، مع منة عامر وسارة المنذر، في حلقة خاصة احتفالًا بكونه نجم شهر فبراير على راديو إنرجي، وتحدث خلال الحلقة عن حياته وعلاقته بزوجته وأولاده، وأعماله الجديدة والقديمة التي كانت سببًا في نجاحه وشهرته الواسعة.

وقال راغب علامة خلال الحلقة : في نجوم بخجل من وجودهم علي الساحة الغنائية، لكن قدروا بذكائهم يفرضوا نفسهم، لا صوت ولا شكل لكن قدروا يصنعوا شئ من لا شئ، وأنا معرفش ويجز موصلش عندي لسه، ومن الأغاني اللي بحبها هي أغنية الغزالة رايقة وأغنية سكر محلي.

وتابع : لو هعمل سوبر ستار علي مزاجي هختار صوت أمال ماهر، وشخصية ماجدة الرومي، وشكل هيفاء وهبي من 10 سنين، وذكاء عمرو دياب، وعندي شعور دايمًا إن الحظ مش هيجيلي لكن أنا اللي بروحله بشغلي، وعلى مستوى المشاهير بحب سعد لمجرد كفنان لكن حياته الشخصية حاجة تاني، وهو عليه قضية ممكن يكون مذنب أو برئ.

وعن حياته الشخصية قال : تقديري لزوجتي جيهان مش بظهره قدام الناس، مش بحاول أعمل بروباجاندا لكن أنا بوفر لها طلباتها وبحققلها أحلامها، وفي بيتي أنا شخص روتيني جدًا، وأضاف : وأنا مكتئب بحب أسمع فيروز وأنا سهران بحب أسمع أم كلثوم وأنا بلعب رياضة مش بحب أسمع مزيكا خالص.