صلاح عبدالله يعتذر لـ محمد صلاح : كنت غضبان وكتبت البوست بدل ما يجرالى حاجة
اعتذر صلاح عبد الله للاعب منتخب مصر وفريق ليفربول الإنجليزي محمد صلاح، وذلك بعد أن غرد أمس وهو يتعهد في كلامه بعدم تشجيع ليفربول بعد هزيمة منتخب مصر أمام السنغال.
واعتذر صلاح عبدالله خلال مداخلة هاتفية مع لميس الحديدي في برنامج كلمة أخيرة، وقال : أنا كنت في حالة غضب وحزن شديد جدا بعد خسارة منتخب مصر وفشله في اللحاق بكأس العالم لتاني عام علي التوالي.
وأضاف : وأنا أدعم محمد صلاح ولكن كان البوست إنفعالي بدل ما يجرالي حاجة.
وتابع صلاح عبدالله : أنا مكنتش راضي عن أداء صلاح خلال المباراة مش بس أنه ضيع ضربة الجزاء، وأنا عارف إن الظروف مش مهيأة ليك زي ليفربول واللي حواليك مش زي اللي حواليك في ليفربول.. إحنا بنشجع ليفربول علشانك وكنا محتاجين قوة في الأداء زي ما إحنا متعودين نشوفك.
وفشل منتخب مصر في الصعود لنهائيات كأس العالم 2022 في قطر، بعد هزيمته أمام السنغال بركلات الترجيح بنتيجة 3 أهداف مقابل هدف واحد لمصر وذلك في لقاء الإياب الذي جمعهما أمس، في العاصمة داكار، حيث أضاع ركلات الجزاء لمنتخب مصر محمد صلاح وأحمد سيد زيزو ومصطفى محمد، بينما سجل عمرو السولية هدف مصر الوحيد.
