رئيس مجلس الإدارة
أحمد عصام فهمي
كل النجوم صوت وصورة
رئيس التحرير
عبدالحميد العش
facebook twitter youtube instagram tiktok

إيناس الدغيدي بعد تقديمها فيلم امرأة واحدة لا تكفي من 32 سنة : أتمنى تقديم فيلم بعنوان رجل واحد لا يكفي

أفيش إمرأة واحدة
أفيش إمرأة واحدة لا تكفي - إيناس الدغيدي

حلت المخرجة إيناس الدغيدي ضيفة على برنامج كلام في الحب، الذي تقدمه يسرا عبر قناة mbc1، وتحدثت عن الحب في حياتها، وذكرياتها مع طليقها الراحل نبيل معوض، كما كشفت عن رأيها في الحب والارتباط العاطفي.

 

وقالت إيناس : أول هدية جابهالي نبيل كانت علبة مناديل وكنت سعيدة جدًا بيها، والحب ملوش قواعد ولا تعريف، وقرأت عن الحب واكتشفت إن أطول قصة حب مش بتزيد عن 4 سنين، لأن بعدها بتشيلي مسؤولية البيت والأولاد والعادات والتقاليد، وبيتحول بعدها الحب لمشاعر ولهفة، وتابعت : الحب في المراهقة له مواصفات عديدة، وقعدت منتظرة جوزي 9 سنين علشان نتجوز، بسبب اختلاف الأديان، ولما غير دينه اتجوزنا، والحب بيخلينا مانشوفش عيوب الشخص اللي قدامنا.

 

 وأضافت : انا حبيت وفضلت أحب جوزي كتير، لكن انفصلنا لأن الروتين كسر الحب ده والحياة اتغيرت، وكان دكتور ناجح وبعد كده أنا بقيت أشهر منه وأنجح، وده اللي غير بعد كده في العلاقة، بس محصلش بينا خلافات ومقدرش أشيل حب نبيل من حياتي.

 

وعن عملها مع يسرا، قالت : إحنا اشتغلنا سوا فيلم امرأة واحدة لا تكفي، بس دلوقتي مستعدة أقدم فيلم رجل واحد لا يكفي، لأن دي حقيقة، والطموح دلوقتي مختلف عندي، وأنا بحب واحد بس هو مش عارف، وأنا قعدت 40 سنة أحب جوزي، فاهفضل قعداله عادي.

 

 

تم نسخ الرابط