رئيس مجلس الإدارة
أحمد عصام فهمي
كل النجوم صوت وصورة
رئيس التحرير
عبدالحميد العش
facebook twitter youtube instagram tiktok

نيفين مندور بطلة اللي بالي بالك : اتهامي في قضية المخدرات كان تصفية حسابات وزواجي من محمد سعد كان شائعة

نيفين مندور - فيلم
نيفين مندور - فيلم اللي بالي بالك

حلت نيفين مندور، أمس الجمعة، ضيفة على برنامج كلام الناس، الذي تقدمه ياسمين عز عبر قناة mbc مصر، وتحدثت عن الأزمات التي مرت بها على مدار مشوارها الفني، والتي تسببت في وقف انطلاقتها القوية بعد تألقها في فيلم اللي بالي بالك، الذي قامت ببطولته بجوار محمد سعد.

 

وقالت نيفين عن سجنها : الموضوع ده بيضايقني، هو الموضوع كان خاص بوالدي مش بيا، بس في ناس حبوا يكسروه بيا، وأنا روحت في الرجلين، وهو بقى بين نارين بين بنته وسمعته، لأن الموضوع بقى سمعة بنته وسمعته هو كمان. 

 

وتابعت : الحمد لله ظهرت الحقيقة من أول دقيقة، والمحكمة حكمت بالبراءة، ومفيش حد قدر يشكك فيها، وفكرت كتير إني أرد ولكن ردود فعل الناس الإيجابية، وإن الناس مش مصدقة خليتني مردش وإنهم مصدقني، إنما الناس المريضة دول مش فارقين معايا، غير إن نفسيًا الموضوع كان مخليني مش قادرة أعمل حاجة، لأن الموضوع جه في وقت وفاة والدتي وكانت الظروف صعبة.

 

وعن إشاعة زواجها من محمد سعد، أضافت : سمعت الإشاعة دي من ناس كتير بتشوفني في الشارع وبيقولولي هو أنتِ بجد متزوجة من محمد سعد؟، وبقولهم لا، ومخوفتش من الكلام ده علشان طالما دخلت الوسط فطبيعي هبقى معرضة للإشاعات وهي شر لابد منه.

 

 

تم نسخ الرابط