عصام إمام لـ خبر أبيض : الزعيم أفني عمره كله في إسعاد العالم وركوب التريند مش أهم من صحته
تصدر اسم الزعيم عادل إمام تريندات السوشيال ميديا بعد انتشار شائعة وفاته، وتواصل خبر أبيض مع شقيق الزعيم المنتج عصام إمام لسؤاله عن حالة الزعيم فقال في تصريح خاص لـ خبر أبيض : عادل إمام بخير وبصحة جيدة، المرض مش عيب وكل الناس ممكن تتعب، لو تعب لقدر الله هنخبي ليه ؟ وتابع : الزعيم لو لقدر الله دخل المستشفي العالم كله هيعرف، مش مصر بس.
وعن رأيه في الشائعات التي تحدثت عن تدهور حالة عادل إمام قال : اتعودنا عليها خلاص، وهي ضريبة لإسم كبير ومش فاهم تريند إيه اللي بيكسبوا من وراه فلوس علي حساب صحة الراجل اللي أفني عمره كله في إسعاد العالم.
وأضاف : عادل إمام بيشوف الكلام ده وبيسمعه وبيبقي مش فاهم ليه ؟ يعني بصراحة بقت حاجة غير طبيعية.
أما عن فيلم الواد وأبوه بطولة عادل إمام وإبنه محمد إمام فقال : إحنا في مرحلة التجهيز للفيلم وهنشوف فيه الواد هيعمل إيه مع أبوه، وطموحات الآباء والأبناء .. إحنا يهمنا محتوي الفيلم، والقضية اللي هيناقشها، ولما يكون الفيلم جاهز هننزل بيه، مش مهم فى موسم العيد أو فى موسم غيره.
