بالفيديو .. إلهام شاهين الصغيرة : هعمل إغراء في سياق الدراما والممثل بيعمل أي حاجة

واصلت الممثلة الشابة إلهام صفي الدين، ابنة شقيقة الفنانة إلهام شاهين، حديثها مع خبر أبيض، وتحدثت عن أدوارها في أعمالها القادمة، كما كشفت عن رأيها في عدد من القضايا على الساحة الفنية حاليًا.

وقال إلهام في تصريح خاص : في أعمال بتوصل رسالة مهمة بجد، وأنا بالنسبة لي اللي بيخلي رسالة العمل مهمة لو القضية دي موجودة في المجتمع، وإحنا إما بنعمل توعية عنها بشكل ما، أو بنقول للناس إن ده غلط ونفهمهم يتعاملوا معاه إزاي، لو الحاجات دي كلها في عمل معروض عليّ هعمله طبعًا، ولو شايفة إن مفيهوش ده وفي إغراء لمجرد الإغراء مش هبقى متحمسة للموضوع، لكن لو الإغراء موجود علشان حاجة معينة وأنا مصدقاها هعملها.

وتابعت : إحنا كممثلين بنكون قدام الكاميرا في لوكيشن كامل وفريق العمل كله، وأي حاجة بتتعمل قدام الكاميرا مش معناه إنها تتعمل ورا الكاميرا، وانا ممكن أعمل قدام الكاميرا شخصيات كتير مش معناه إني كل الشخصيات دي، واللي بيعمل دور شرير مش شرير في الحقيقة، كذلك اللي بتعمل دور إغراء دي مش شخصيتها في الواقع.

شاهد الفيديو التالي ...