رئيس مجلس الإدارة
أحمد عصام فهمي
كل النجوم صوت وصورة
رئيس التحرير
عبدالحميد العش
facebook twitter youtube instagram tiktok

إلهام شاهين : لو اتعرض علي دور منى زكي فى فيلم أصحاب ولا أعز كنت هوافق

إلهام شاهين - مني
إلهام شاهين - مني زكي

علقت إلهام شاهين خلال مداخلة هاتفية مع الإعلامي عمرو أديب في برنامجه الحكاية، المذاع علي MBC مصر، على الجدل المثار حول فيلم أصحاب ولا أعز، وقالت : أنا كنت هوافق على دور منى زكي لو اتعرض علي، لأن البطل في الفيلم هو الحوار، ولا توجد أي مشاهد تخدش حياء المشاهدين.

 

وأضافت : أنا زعلانة جدا، الفيلم مهذب جدا ومفيهوش لمسة ولا لفظ خارج، والفيلم كله بيدور على ترابيزة سفرة وبنلعب لعبة، ومفيش حد لمس إيد التاني، إيه المجتمع الملغبط والمنافق ده.

 

وأكملت : اللي بيشوف فيلم على نتفليكس يعني متابع أفلامها، وعامل اشتراك عشان يشوف أعمالها وأعمال الأجانب اللي فيها مشاهد إباحية وناس ممكن تطلع عريانين، واللي مشترك في نتفليكس يعني داخل وعارف إنه هيشوف أفلام جريئة.

 

وأضافت إلهام : إيه المشكلة إنك تسمع حوار صادم، واللي بيقولوا مش أخلاق المجتمع بتاعنا، ماشفوش حالة الشيخ اللي بيعلم بنت صغيرة واغتصبها، ولا حالة البنت اللي ابتزوها بصور لحد ما انتحرت، الفن بقى ملطشة هو أنا لو عملت دور تاجرة مخدرات، هيقولوا إني تاجرة مخدرات بجد وهيحبسوني ولا إيه؟

 

واختتمت حديثها : مفيش بلد عربي اعترض علي الفيلم غير مصر .. إحنا بنضحك العالم علينا، ليه العقول دي ؟ إيه اللي حصل في مصر.

 

فيلم أصحاب ولا أعز بطولة مني زكي وإياد نصار، ومأخوذ من الفيلم الإيطالي Perfect Strangers، للمنتج محمد حفظي ومن إخراج اللبنانية نادين لبكي، ويشاركهما البطولة عادل كرم، دياموند بوعبود، جورج خباز، وآخرين.

 

وتدور أحداث النسخة العربية من الفيلم في لبنان، حيث تجتمع مجموعة من سبعة أصدقاء قدامى على العشاء، ويقررون أن يلعبوا لعبة شروطها أن يضع الجميع هواتفهم على طاولة العشاء لجعل الهواتف والرسائل النصية متاحة للجميع، لتتصاعد الأحداث على أن تصبح الأمور أكثر جدية عندما تُفضح الأسرار إلى العلن.

 

 

تم نسخ الرابط