نوال الزغبي : مفيش مطرب عربي وصل العالمية وكنت أتوقع جورج قرداحي يكون أذكى من كده

كشفت نوال الزغبي خلال حديثها مع برنامج حبر سري، الذي تقدمه أسما إبراهيم، عن رأيها في كثير من الأمور عن حياتها الخاصة، ومواصفات فتحى أحلامها

وقالت : لم ألجأ لدكتور نفساني طوال حياتي، وبفضفض مع نفسي وبتكلم بصوت عالي، وعن الأزمة التي غيرت شخصيتها تابعت : تعرضت لأزمات كتير ولا أريد أن أتذكرها لأني أحب أفكر في بكرة، وأتمنى يكون في حياتي قصة حب ورجل ألجأ ليه لما أحتاج له، وأهم مواصفات فتى أحلامي يكون راجل أعتمد عليه ويقف جنبي، وتابعت : لما بتخان مرة واحدة بمشي، لأن اللي يخون مرة واحدة يخون ألف مرة.

وعن أزمات تصريحات وزير الإعلام اللبناني السابقة قالت : كارثة، إحنا عايزين نقرب من الدول العربية، لأن لبنان محتاجة مساعدة الدول المحيطة، وأنا بحب جورج قرداحي، وكنت أتمنى يكون أذكى من كده، وعن رأيها في مصر حاليًا قالت : المكان اللي أنا ساكنة فيه في مصر شبه لندن، ولما تكون بلد طالعة من ظروف صعبة وتوصل للي فيه دلوقتي تبقي بلد كبيرة، ورئيس مصر راجل بيحب البلد، وأتمنى لـ لبنان رئيس زي السيسي.

وتابعت : مفيش أي مطرب عربي وصل العالمية، لأننا مش معروفين في كل دول العالم، ولما كل الدول تعرفنا من كل اللغات والأجناس نبقى مطربين عالميين، وكل جمهور حفلاتنا بره عرب مقيمين بالخارج.