عمرو سعد : نيللي كريم إنسانة بسيطة ومثقفة ولها أفكار مختلفة وانتظرونا في فيلم كوميدي قريبًا

تحدث عمرو سعد عن تجربته مع مسلسل الجسر، الذي يعرض حاليًا عبر منصة شاهد الأصلية، وتشاركه البطولة نيللي كريم، وعدد كبير من النجوم، وهو قصة وإخراج بيتر ميمي.

وقال سعد خلال مداخلة هاتفية ببرنامج mbc Trending  : الجسر أغرب حاجة عملتها، لأنه أول عمل أقبله من غير ما أقراه، لأنه بتوقيع بيتر ميمي، وأنا بثق فيه وكنت بتمنى أشتغل معاه من زمان، وكان بالفعل بينا حاجات ولكنها لم تتم، فكنت متحمس جدًا إني أخوض تجربة مع بيتر ميمي، وكانت ممتعة جدًا رغم إنها شاقة، وثانيًا كنت عايز أشتغل مع نيللي كريم.

وعن تعاونه مع نيللي كريم قال : نيللي نجمة رائعة كنت حابب أشتغل معاها، واكتشفت إنها مش بس ممثلة ونجمة رائعة، دي كمان إنسانة رائعة وبسيطة، وبينا حاجات كثير مشتركة، وكنت ببقى حابب أروح التصوير، لأنها بتقرأ كتب وبتكتب وعندها أفكار كتير.

وأشار إلى أنه سوف يستعد خلال الفترة المقبلة للمشاركة مع نيللي كريم في فيلم كوميدي جديد، قائلًا : اتفقنا إن دا ميكونش العمل الأخير بينا، وفكرنا إننا نعمل فيلم مع بعض قريب وهيكون كوميدي، وهنعلن عن تفاصيله قريب جدًا.