دنيا سمير غانم عن شقيقتها إيمي : بتمشي بـ أكل القطط والكلاب في شنطتها

شاركت دنيا سمير غانم صورة لشقيقتها إيمي من رحلة العمرة التي تؤديها بالمملكة العربية السعودية، وذلك عبر خاصية الأستوري على حسابها على إنستجرام.

وظهرت إيمي مرتدية الحجاب وتقوم بإطعام قطة في الشارع، وعلقت دنيا على صورة شقيقتها : ماشية بأكل القطط والكلاب في شنطتها في كل بلد وكل مكان، أحن قلب في العالم والله ما شاء الله.

وتؤدي الشقيقتان دنيا وإيمي مناسك العمرة، حيث شاركت دنيا صورة  تجمعها بشقيقتها إيمي من داخل  الحرم عبر استوري انستجرام، شكرت من خلالها كل ما عايدها بمناسبة عيد ميلادها السبت الماضي، وكتبت : شكرا لكل النعم اللي على شكل جمهور اللي تعبوا نفسهم وعملوا فيديوهات جميلة أوي عشان عيد ميلادي، أنا بشكركم من كل قلبي، النهاردة يوم صعب أوي عليا وعلى إيمي.

وتابعت : لكن الحمد لله ربنا كتب لنا عمرة ودعينا من قلبنا لحبايبنا الغاليين بابي ومامي، ربنا يرحمهم يا رب، ودعينا لكل شخص من الجمهور العظيم اللي دعالنا في أزمتنا، ربنا يخليكوا لينا ويحفظكوا، وبتمنالكم سنة سعيدة مليانة بالخير والرضا والحب.