رئيس مجلس الإدارة
أحمد عصام فهمي
كل النجوم صوت وصورة
رئيس التحرير
عبدالحميد العش
facebook twitter youtube instagram tiktok

هاني رمزي : الستارة ولعت والبروجكتور انفجر واتورطت في عزومة 28 شخص أثناء عرض مسرحية ألابندا

هاني رمزي
هاني رمزي

حل هاني رمزي ومنى عبدالغني، مساء أمس السبت، ضيفين على برنامج هنيدي شو، الذي يقدمه محمد هنيدي عبر شاشة المحور، وتحدثا في الجزء الثاني من اللقاء عن كواليس مسرحية ألابندا، التي شاركوا في بطولتها بجوار كل من علاء ولي الدين، وشريف منير، ودينا، وغيرهم.

 

وقال هاني رمزي : تعرضت لمواقف غريبة أثناء عرض مسرحية ألابندا مرة البروجكتور وقع علينا وعمل انفجار كبير جدًا، وفي يوم تاني الستارة ولعت، ومرة تانية اتزحلقت على الجمهور ووقعت من على المسرح.

 

وعن شخصية بكر قال هنيدي : قابلت ولد أسمر والذي قدم شخصية بكر في المسرحية، وقررنا إنه يمثل معانا وأخدنا للمقطم وعزمناه على أكلة سمك، وكان مستغرب وطلبنا منه يمثل معانا ونجح جدًا، وعرفنا بعدها أنه مثل في أعمال تانية في مصر.

 

وقال هاني : قابلت ولد قالي أمنية حياتي أتفرج على مسرحية ألابندا ومش معايا غير 8 جنيه، قولتله أنا عازمك وأنت ضيفي، قالي بس مش النهارده، فوجئت بيه تاني يوم ومعاه 28 واحد، وقالي كبرني وسط أهلي، واتورطت وقتها فيهم كلهم، وتابع : كنت في الصين وفوجئت إن ناس كتير عايزين يتصوروا معايا افتكرت إني مشهور، أتاريهم مستغربين من طولي.

 

وقالت منى عبدالغني : علاقتي بهنيدي من زمان كنا شلة كبيرة بتضم عدد كبير منهم ليلى علوي وشريف منير وشريف عرفة وغيرهم.  

 

 

تم نسخ الرابط