رئيس مجلس الإدارة
أحمد عصام فهمي
كل النجوم صوت وصورة
رئيس التحرير
عبدالحميد العش
facebook twitter youtube instagram tiktok

مي كساب لـ خبر أبيض : حذفت صوري مع جوزي لأنى مش حابه شكلي فيها والكلام عن طلاقنا إشاعة رخيصة

مي كساب
مي كساب

تداول رواد مواقع التواصل الاجتماعي فيسبوك وانستجرام بعض الأخبار التى تحدثت عن طلاق مي كساب من زوجها أوكا فيما أعربت مي كساب عن انزعاجها من تداول هذه الأخبار غير الصحيحة.

 

وقالت مي كساب في تصريح خاص لـ خبر أبيض : أنا شخص طبيعي جدا والفن بالنسبالي الشغل اللي بحبه وبيعبر عن موهبتي، لكن حياتي بأحب أعيشها كشخص طبيعي، أنزل صوره من غير ميكاب، أصور فيديو وعادي أقرب الكاميرا علي وشي، أكتب بوست أفضفض فيه، دي مي، لكني أُجبرت بقالي سنين إني أكون مش أنا بسبب أرواح شريرة وطاقات سلبية وضغوطات في الحياه وفي الشغل كان نتيجتها إني حسيت إني استُهلكت.

 

واستكملت : يشاء قدر الله سبحانه وتعالي إن تيجي لي كورونا وفعلا كانت أول وأطول مده أقعدها لوحدي وكانت إعاده حسابات في حاجات كتير ولقيت نفسي فعلا بـ امسح كل الصور اللي مش حابه أشوفها أو بتفكرني إني كنت مش أنا، وصوري أنا وجوزي مسحتها عشان مش حابه مي اللي فيها، مش أوكا خالص، وكتبت بوست من قلبي وقلت فيه من نعم حياتي جوزي وأولادي، طيب يبقي إتطلقت إزاي.

 

وأضافت مي : زعلانة جدا من النوع ده من الصحافة، وما أحبش إن صحافة بلدي عشان تجري ورا تريند ولا تزود ريتش تبقي مروجة إشاعات، مش ده دور الصحافة، عشان كده رديت وكتبت تويتة أناشد فيها السيد نقيب الصحفيين لوضع قوانين صارمة علي الصحفيين.

 

واختتمت : ناويه أرجع أنا ومش هأسمح لأي إنسان يلوث روحي وأفكاري ويغيرني.

تم نسخ الرابط