بالفيديو .. أحمد السقا : بتوع اللجان الإلكترونية بيحاربوني واللي حصل في الجونة زلة لسان

جدل كبير أثاره أحمد السقا حول كلمته التي ألقاها في حفل افتتاح مهرجان الجونة، بعد تكريمه بجائزة الإنجاز الإبداعي عن مجمل أعماله، خاصة عندما قال إن السينما بعد النكسة عانت من مستوى الإنتاج.

وقال السقا لـ كاميرا خبرأبيض : الناس فهمت التصريح غلط، وكنت أقصد أن الإنتاج قل عن الفترة السابقة للحرب، وخانني اللفظ، لأن كلهم أساتذتي وزملائي، وأنا معيبتش في حد وقلت إحنا أسعد حظ منهم للعمل بالتقنيات الجديدة، ولو كانت هناك تقنيات وقتها كانوا قدموا أفلام أكثر مما قدموا 100 مرة، ودي زلة لسان.

وتابع : في أواخر التسعينيات جت أفلام زي إسماعلية رايح جاي، وصعيدي في الجامعة الأمريكية، وحصلت طفرة على مستوى المعدات والتكنولوجيا ودور العرض والإمكانيات والقدرات، ده اللي أنا قولته، لم أسيء لأساتذتي محمود ياسين ونور الشريف وأحمد رمزي أو عمر الشريف أو فريد شوقي، الواحد كان بيتمنى يطلع ربع الناس دي، لكن الكلام ده اتاخد علشان تحصل دعاية واتبهدل على السوشيال ميديا.

وأضاف : أول مرة أحس إني مقصود بالهجوم السنة دي، وأنت عارف مين عنده لجان إلكترونية وأنا عارف بيدفعولهم كام في الشهر وقاعدين فين، وأصحاب الشأن اللي بيعملوا كده فاكرين إنهم مش معروفين.

شاهد الفيديو التالي …