محمد هنيدي : كان نفسي أدخل كلية الشرطة وقالولي أنت محتاج استثناء من رئيس الجمهورية

حل النجم محمد هنيدي أمس الخميس، ضيفًا على برنامج معكم مع الإعلامية مني الشاذلي في حلقة خاصة على قناة cbc ليتحدث عن نجاح فيلمه الأخير الإنس والنمس، والذي حقق إيرادات بلغت 53 مليون جنية، وتحدث عن حياته الأسرية وعلاقته بالسوشيال ميديا.

وقال هنيدي : بحب أستخدم السوشيال ميديا طول الوقت بشكل تلقائي عشان أكون قريب من الناس أكتر، وقبلت تحدي تربل اتش من 3 سنين وضربته مرتين في أبو ظبي، مرة في المطار أول ما قابلته، ومرة وإحنا في الفندق، وفي الآخر قولتله أنا كنت بهزر.

واستكمل : كان نفسي أدخل كلية الشرطة لأن أغلب عيلتي ضباط ووقت الثانوية العامة كنت بتدرب بشكل مستمر في الساحة الرياضية في منطقتي، وقولت لخالي عايز ادخل كلية شرطة قعد يضحك وساعدني أروح الاختبارات، وعند اختبارات الهيئة وشافوا طولي وسط كل الناس اللي بتقدم قالولي أنت محتاج استثناء من رئيس الجمهورية عشان تتقبل في كلية الشرطة.