صابرين عن أزمة حلا شيحة : موقفها أوفر وانزعجت من طريقة تعاملها مع والدها أحمد شيحة
تحدثت صابرين عن رأيها في موقف حلا شيحة وأزمتها الأخيرة مع تامر حسني بسبب فيلم مش أنا بعد إعلانها أنها تبرأت من مشاهدها في الفيلم، وجاء ذلك خلال لقاءها مع الإعلامية لميس الحديدي ببرنامج كلمة أخيرة، المذاع عبر فضائية أون.
حيث قالت صابرين : بالنسبة لي كان موقف مريب وأنا أعرفها وهي خالعة الحجاب، وهي محجبة ومنقبة في مناسبات مختلفة جمعتنا، لكن الموقف الأخير كان مريب حسيت وقتها إن فيه حاجه غلط.
وتابعت : لما قرأت البوست كان غريب برضه، ما دام خلاص عملتي حاجة أو خدتي خطوة تمام بس مش كده يعني، هي ممكن تكون تخبطت شوية مثلا، نسيت التمثيل شوية، كل واحد فينا في فترة من الوقت بيتخبط.
وأضافت صابرين عما أزعجها : ما فعلته حلا كان أوفر شوية وأكثر ما أزعجني في أزمتها علاقتها بوالدها الفنان أحمد شيحة، أي حاجة عادي لكن علاقتك بوالدك ماينفعش تبقى كده أبوكي راجل محترم جدًا.
واختتمت : براحتك أتجوزي واعملي إللي إنتي عايزاه هي حرة ولا اجرؤ أتكلم في ده، لكن معلش إيه اللى ماعجبكيش في أبوكي وأمك، الأب والأم مش خط أحمر بس ده خط ملتهب.
