النجوم يدعمون دلال عبدالعزيز بعد شائعة وفاتها : اتقوا ربنا وادعوا لها بالشفاء
انتشرت على السوشيال ميديا منذ ساعات، شائعات كثيرة تحدثت عن وفاة دلال عبدالعزيز، ليخرج رامى رضوان وحسن الرداد ويكذب كل منهما الشائعة التى حظيت باستهجان كبير من قبل رواد مواقع التواصل الاجتماعي.
وفور تكذيب الشائعة سارع عدد من النجوم لدعم دلال عبدالعزيز، حيث علقت أيتن عامر عبر حسابها علي إنستجرام قائلة : بخير الحمد لله وبلاش نشر إشاعات ربنا يكمل شفاها علي خير.
بينما كتبت ليلى زاهر على الموقع نفسه : ربنا يديكى الصحة ويشفيكى ويقومك بالسلامة يارب، حقيقى أنا مش مصدقة الناس اللي بتقول إشاعات زى دي بجد بتسفيدوا أيه؟
وتابعت : بجد حرام عليكم بدل ماتنزلوا إشاعات كاذبة علشان بس الفيوس والترند إدعولها ربنا يشفيها ويقومها بالسلامة ويصبر بناتها وأهلها، حقيقي ناس مريضة بجد أنا بطلب من أي حد يشوف البوست ده يدعى كتير لأستاذة دلال عبدالعزيز إن ربنا يقومها بالسلامة، الدعاء يرد القدر.
وكتبت الإعلامية بوسى شلبي عبر حسابها علي إنستجرام : دلال زي الفل، بلاش إشاعات حرام.
بينما قالت روجينا : ربنا يشفيكى ويقومك بألف سلامة ويردك لبناتك ولكل الناس اللي بتحبك وأنا واحدة منهم، إشاعة بشعة إتقوا ربنا.
ونشرت نور قدري عبر حسابها علي إنستجرام : أستاذة دلال بخير الحمدلله والخبر مش صحيح إدعولها، وإتقوا الله حرام كده بلاش تنزلوا حاجة قبل ما تتأكدوا، للدرجة دي أنتوا فاضين ومعندكوش حاجة تكتبوها.
بينما علق شريف منير علي خبر الوفاة بعد أن نشر صورة يشارك فيها جمهوره بأجواء العيد علي إنستجرام وحذفها بسبب تعليق أحد الأصدقاء نبهه فيه بخبر وفاة دلال وكتب : بشكرهم طبعاً لتنبيهي لإنه عيب ومش صح فمسحت الصورة بسرعة، لكن لقيت بوست من الصديق رامي رضوان بيكذب الخبر، فعلاً فاض الكيل من مروجي الشائعات أيه الأذي ده، رفقاً ببناتها وأحبائها حرام.
