عمرو أديب لـ محمد رمضان : أخدت كمية دعوات من مصر كلها ربنا يجعلها من نصيبك
علق الإعلامي عمرو أديب، على وفاة الطيار أشرف أبو اليسر صاحب القضية الشهيرة مع محمد رمضان، من خلال برنامجه الحكاية، المذاع عبر فضائية أم بي سي مصر.
وقال أديب أنه يعرف الطيار الراحل أشرف أبو اليسر معرفة جيدة، وسبق أن رافقه في أحد الرحلات وكان شخصاً مهذباً للغاية ويتسم باحترام الجميع، ووجه رسالته لـ محمد رمضان قائلاً : كمل يا محمد إنت ماشي في السكة الصح، نفسي تقرأ الكلام اللي مكتوب عنك النهارده، أوعى ضميرك يأنبك أنت راجل وصاحب صاحبك، أوعى تنزعج يا رمضان، أنت أخدت دعوات ربنا يجعلها من نصيبك.
وتابع : ربنا يدي كل واحد على أد نيته ويجعل كل دعاء الناس النهارده من نصيبك، الله يرحم أبو اليسر وحاجات تانية مفيش مجال أذكرهالك دلوقتي يا محمد يا رمضان.. قولنالك خد بخاطر الراجل قبل ما يموت، والمواطن المصري بيقلب في ثانية وأكبر منك وأعظم منك وانت ملحقتش تعمل حاجة في الوسط الفني.. وربنا بيدي كل واحد على أد نيته.
