مي فاروق غاضبة من الوسط الفني : محتاج شِلل وصحوبيات وكرهت الغُنا وبفكر أبعد عنه

عبرت المطربة مي فاروق، عن حالتها النفسية السيئة التي تمر بها حاليًا، وذلك من خلال نشرها بوست عبر حسابها على موقع التواصل الاجتماعي فيسبوك، كتبت فيه : أنا بحب الغناء أوي ويمكن كلكم عارفين من امتي بدأت ولو النهارده واحد بس عارف مي فاروق فده بفضل ربنا ووقفة أهلي ورايا طول عمري. 

وتابعت : لا ليا شلة ولا صاحبة ده ولا بتقرب من ده عشان حاجة، كل محاولاتي كنت فيها أنا، لا فلان سندني ولا علان كان له فضل عليا، بس أحب أقول لكم إني زهقت جدا والمجال ده محتاج شِلل وصحوبيات وأنا مش في الحتة دية ومبعرفش أتقرب من حد عشان مصلحة وطول منا كدة مش هقدر أوصل للي أنا عايزاه.

وأضافت : ساعة الجد أنت إللي بتسعي وكمان بتحبط وأنا المفروض قوية ومش بستسلم ببساطة بس أنا قرفت وزهقت وقربت أكره الغناء نفسه اللي ربنا ميزني بيه وبفكر جديا أبعد عنه تماما لأني فعلا زهقت جدا وياريتني ما حبيت الغناء من صغري ولا كان ليا فيه أصلا.