شيكو لـ جمهور اللعبة : استنونا في الجزء الثالث اللعب مع الكبار قريب أوي أوي
وجه شيكو الشكر لجمهوره ومتابعيه على السوشيال ميديا، وتحديدا جمهور مسلسله اللعبة والذي عُرضت الحلقة الأخيرة من الموسم الثاني منه بالأمس، وحقق العمل رد فعل كبير من قبل الجمهور الذي طالب صناع المسلسل بجزء ثالث.
وأعلن شيكو : على مدار الشهر اللي فات تابعنا كل كلامكم وكمنتاتكم وكنا مبسوطين أوي وفرحانين إننا قدرنا نخليكم تضحكوا كدة الحمدلله، وفخورين إننا عملنا مسلسل قدرتوا تتفرجوا عليه العائلة كلها مع بعض كان تحدي صعب والحمد لله دي نعمة من عند ربنا و يارب دايما نفضل نضحككم كدة و تبقوا مبسوطين مننا.
وتابع : المسلسل ده تقريبا أحسن رد فعل لأي شغل عملناه ويارب نفضل دايما عند حسن ظنكم، استنونا في الجزء الثالث اللعب مع الكبار قريب أوي … أوييي.
مسلسل اللعبة ليفل الوحش بطولة شيكو، وهشام ماجد، وأحمد فتحي، ميرنا جميل، مي كساب، محمد ثروت، سامي مغاوري، عارفة عبدالرسول، بيومي فؤاد، ورانيا يوسف التى انضمت إلى قائمة أبطال الموسم الثاني، والمسلسل من تأليف فادي أبو السعود وأحمد سعد والي، وإخراج معتز التوني، وإنتاج أمير شوقي.
